طريق عمل الكريب
كوب لبن
كوب دقيق
بيضتان
ربع ملعقة ملح للكريب الحادق / او معلقتين سكر للكريب الحلو
ملعقتين زيت
اول حاجة نجيب طبق كبير غويط وننخل الدقيق والملح / او السكر كويس
هتحطى البيضتان ونص كوب لبن ونضربهم بمضرب البيض ويفضل الكهربى
هتحطى بقيت كوب اللبن وتضربيهم تانى بمضرب البيض لحد ما يبقو ناعمين جدا
بعد كدا تحطى الزيت وتضربيهم تانى بمضرب البيض لحد ما تحصلى على عجينة ناعمة جدا
وتسيبى العجين فى الهوا لمدة ساعة
بعد كدا هتجيبى صينية ( تيفال ) او اى صينيه الاكل مش بيلزق فيها
وتمسحيها بالزيت من جوا عشان العجين مش يلزق فيها
وبعدين تحطى فيها العجين وتفرديه كويس
وبعدين تحطيها على النار لحد ما يبتدى القعر يحمر شوية ( يعنى يكون العجين استوى )
وبعدين تطلعى العجين من الصينية على طبق واسع مسطح
وتحطى فوق العجين لو حادق اى حاجة حادقة زى السجق او الباسطرما او الجبن او الزيتون او الدجاج او الحوم اى شىء بتحبى تاكليه حادق ولو العجين حلو ممكن تحطى مربى شكولاته مع جوز هند وزبيب ممكن تحطى اى شىء حلو او فاكهة انتى بتحبيها اى حاجة حلوة اللى نفسك فيه
يعنى فننى واخترعى من دماغك الللى يناسبك انتى
وبعدين تطبقى العجين على حسب الشكل اللى يناسب زوقك بردو وتحطيه فى الفرن لمدة ربع دقيقة يدوب يتدفى بس عشان مش يتحرق وبالهنا والشفا
